ආපදාවට පත් කාන්තාවන් සහ දරුවන් ගැන දැනුම් දෙන්න ගාස්තු රහිත දුරකථන අංක දෙකක්

ආපදාවට පත් කාන්තාවන් සහ දරුවන් පිළිබඳව දැනුම්දීමට ගාස්තු රහිත දුරකථන අංක දෙකක් හඳුන්වා දී ඇති බව කාන්තා සහ ළමා කටයුතු අමාත්‍යාංශය නිවේදනය කර තිබේ.

ඒ අනුව, කාන්තාවන් පිළිබඳ තොරතුරු 1938 අංකය වෙතත්, දරුවන් පිළිබඳ තොරතුරු 1929 අංකය වෙතත් ලබා දිය හැකියි.

මෙම දුරකථන සේවාව ගාස්තු රහිතව පැය 24 පුරාම ක්‍රියාත්මක වන අතර සිංහල, ඉංග්‍රීසි සහ දමිල භාෂා යන භාෂා ත්‍රිත්වයෙන්ම තොරතුරු දැනුම් දිය හැකි බව වාර්තා වේ.