ආපදා මරණ 200 ඉක්මවයි - 218ක් අතුරුදන්
November 30, 2025 04:16 pm
අයහපත් කාලගුණය හේතුවෙන් සිදුව ඇති ආපදා මරණ 212ක් දක්වා ඉහළ ගොස් තිබේ.
මේ අතර සිදුව ඇති ආපදා හේතුවෙන් තවමත් පුද්ගලයින් 218 දෙනෙකු අතුරුදන්ව සිටින බව ආපදා කළමනාකරණ මධ්‍යස්ථානය පවසයි.
පවුල් 273,606කට අයත් පුද්ගලයින් 998,918 අයහපත් කාලගුණයෙන් පීඩාවට පත්ව සිටී.
ආපදා කළමනාකරණ මධ්‍යස්ථානය අද (30) 4ට නිකුත් කළ වාර්තාවට අනුව වැඩිම මරණ සංඛ්‍යාවක් වන මරණ 71 බදුල්ල දිස්ත්‍රික්කයෙන් වාර්තා වී තිබේ.
මේ අතර මහනුවර දිස්ත්‍රික්කයෙන් මරණ 66ක්, මාතලේ දිස්ත්‍රික්කයෙන් මරණ 20ක් හා කුරුණෑගලින් මරණ 19ක් ද වාර්තා වී ඇත.
මේ අතර මහනුවර දිස්ත්‍රික්කයෙන් පුද්ගලයින් 105 දෙනෙකු, බදුල්ලෙන් පුද්ගලයින් 53ක් හා කුරුණෑගලින් පුද්ගලයින් 37 දෙනෙකු මේ වනවිටත් ආපදා හේතුවෙන් අතුරුදන්ව ඇත.
