කැලණි ගඟේ ජල මට්ටම් ගැන පැහැදිලි කිරීමක්

කැලණි ගඟේ ජල මට්ටම ඇතැම් ස්තාන වලින් කෙමෙන් කෙමෙන් ඉහළ යන බව වාරිමාර්ග අධ්‍යක්ෂ ජල විද්‍යා සහ අපදා කළමනාකරණ ඉන්ජිනේරු එල්. එස් සූරියබණ්ඩාර මහතා පවසයි.

කැලණි ගඟේ ජල මට්ටම්වල වර්ථමාන තත්ත්වය පැහැදිලි කරමින් ඒ මහතා මේ බව පැවසුවේය.

එමෙන්ම ඔහු පැවසුවේ සමාජමාධ්‍ය ඔස්සේ පලවන පුවත් සම්බන්ධයෙන් කිසිදු විශ්වාසයක් නොතබන බවත් වගකිව යුතු මාධ්‍ය ආයතන විසින් පලකරන පුවත් සම්බන්ධයෙන් පමණක් විශ්වාසයෙන් කටයුතු කරන ලෙසටය.

එමෙන්ම සෑම විටම තමන් සහ තම නිවස අවට පරිසරය සම්බන්ධයෙන් අවදානයෙන් සිටින සෙලට ද ඒ මහතා වැඩිදුරටත් දැනුම් දෙයි.
 
"කැලණි ගඟේ ජල මට්ටම් ගැන විවිධ මත පල වෙනවා. මේ වන විට කැලණි ගඟේ ජල මට්ටම් සැලකීමේ දී හංවැල්ල මිනුම් මධ්‍යස්ථානයේ ජල මට්ටම් පහත බසිමින් පවතිනවා. මේ වන විට කැලණි ගඟේ හංවැල්ලෙන් පහළ බොහෝ ස්ථාවර මට්ටමක තමයි ජල මට්ටම් තියෙන්නේ. නමුත් සෙමින් සෙමින් කුඩා ප්‍රමාණයන්ගෙන් වැඩි වෙමින් පවතිනවා. අඟල් කිහිපයක් අඹතලේ ප්‍රදේශයේ වැඩි විය හැකියි. නාගලගම්වීදිය ජල මට්ටම් අඟල් කිහිපයක් වැඩි වෙන්න පුළුවන්. බොහො දුරට ස්ථාවරයි. ගඟ දෙපස පහත්බිම් වල ට ජලය ඇතුලවීම සිදු වෙනවා. එම තත්ත්වය තවත් දිනයක් හෝ දෙකක් තියෙන්න පුළුවන්. අඩු වීමටත් ඉඩකඩ තියෙනවා. මාලඹේ කෝට්ටේ වැනි ස්ථාන වල ජල මට්ටම් ඉහළ ගොස් තිබෙනවා. බියගම, දොම්පේ, කැලණිය පහත්බිම් වල තවදුරටත් ජල මට්ටම් ඉහළ යන්න පුළුවන්. මේ ගැන ඉතාම කල්පනාවෙන් ඉන්න. සමාජ මාධ්‍ය වල යන එවාට වඩා පවතින තත්ත්වය ගැන විමසිල්ලෙන් ඉන්න. වගකිව යුතු මාධ්‍යයන් ලබා දෙන තොරතුරු ගැන පමණක් විශ්වාසය තබන්න."