ගම්මන්පිලගේ නඩුව කල්යයි
March 17, 2026 01:13 pm
ව්යාජ ඇටෝර්නි බලපත්රයක් සකස්කර ඔස්ට්රේලියානු ජාතික ව්යාපාරිකයකුට අයත් රුපියල් මිලියන 20ක වටිනාකමකින් යුත් සමාගම් කොටස් සාවද්ය ලෙස පරිහරණය කිරීමේ චෝදනා එල්ල වී සිටින හිටපු අමාත්ය උදය ගම්මන්පිල මහතාට එරෙහිව ගොනුකර තිබෙන නඩුව මාර්තු 27 යළි කැඳවන ලෙස කොළඹ මහාධිකරණය නියම කර තිබේ.
මෙම නඩුව අද (17) කොළඹ මහාධිකරණ විනිසුරු නදී අපර්ණා සුවදුරුගොඩ මහත්මිය ඉදිරියේ කැඳවනු ලැබීය.
එහිදී ඉදිරිපත් වූ කරුණු සලකා බැලූ විනිසුරුවරිය නඩුව යළි මාර්තු මස 27වනදා කැඳවන ලෙස නියෝග කළාය.
1996 සැප්තැම්බර් 26 සහ 1997 සැප්තැම්බර් මස 25 වනදා අතර කාලසීමාව තුළ ඔස්ට්රේලියානු ජාතික ව්යාපාරිකයකු වන බ්රයන් ෂැඩික් නමැත්තාට අයත් ඩිජිටල් නොමිනීස් පුද්ගලික සමාගම නමින් මිලදී ගෙන තිබූ පෞද්ගලික බැංකුවකට අයත් කොටස් මිලියන 21ක් ව්යාජ ඇටෝර්නි බලපත්රයක් සකස් කොට විකිණීම තුළින් රුපියල් මිලියන 20ක මුදලක් සාපරාදී සාවද්ය පරිහරණය කළේ යැයි චෝදනා කරමින් හිටපු අමාත්ය උදය ගම්මන්පිල මහතාට එරෙහිව නීතිපතිවරයා විසින් මෙම නඩුව ඉකුත් යහපාලන රජය සමයේ ගොනු කර තිබුණි.
