මනුෂ සම්බන්ධයෙන් සිදුකළ විමර්ශන අවසන් බව අල්ලස් කොමිසම අධිකරණයට දැනුම්දෙයි
March 20, 2026 02:35 pm
දූෂණ චෝදනාවක් සම්බන්ධයෙන් හිටපු අමාත්ය මනුෂ නානායක්කාර මහතා සම්බන්ධයෙන් සිදුකළ විමර්ශන කටයුතු අවසන් කර ඇතැයි අල්ලස් කොමිසම අද (20) කොළඹ මහේස්ත්රාත් අධිකරණයට දැනුම් දුන්නේය.
එම පැමිණිල්ල අද කොළඹ ප්රධාන මහේස්ත්රාත් අසංග .එස්. බෝදරගම මහතා ඉදිරියේ කැඳවනු ලැබීය.
එහිදී අල්ලස් කොමිසමේ නිලධාරීන් අධිකරණයට දැනුම් දුන්නේ මෙම සිද්ධියට සම්බන්ධ විමර්ශන කටයුතු අවසන් කර විමර්ශන ගොනු ඉදිරි පියවර ගැනීම සඳහා අල්ලස් කොමිසමේ කොමසාරිස්වරු වෙත ඉදිරිපත් කර ඇති බවය.
එම කටයුතුවල ප්රගතිය දැනුම් දීම සඳහා දිනයක් ලබා දෙන ලෙසත් අල්ලස් කොමිසමේ නිලධාරීන් අධිකරණයෙන් ඉල්ලා සිටියේය.
ඉදිරිපත් වූ කරුණු සලකා බැලූ මහේස්ත්රාත්වරයා මෙම පැමිණිල්ල අගෝස්තු මස 28 වන දා යළි කැඳවීමට නියම කළ අතර එදින විමර්ශන කටයුතුවල ප්රගතිය අධිකරණයට දැනුම් දෙන ලෙසත් කොමිසමට නියෝග කළේය.
2023 වසරේ විදේශ සේවා නියුක්ති කාර්යාංශයේ මානව සම්පත් නිලධාරීන් පුහුණු කිරීමේ කටයුතු පෞද්ගලික සමාගමකට පවරා දීම තුළින් රජයට පාඩුවක් සිදු කර දූෂණය නැමැති වරද සිදුකළ බවට චෝදනා කරමින් හිටපු අමාත්ය මනූෂ නානායක්කාර මහතාට එරෙහිව අල්ලස් කොමිසම විසින් මෙම පැමිණිල්ල ඉදිරිපත් කර ඇත.
