ප්රබල අකුණු පිළිබඳව අවවාදාත්මක නිවේදනයක්
April 16, 2026 01:22 pm
කාලගුණවිද්යා දෙපාර්තමේන්තුව විසින් ප්රබල අකුණු සහිත කාලගුණ තත්ත්වයක් පිළිබඳ අවවාදාත්මක නිවේදනයක් නිකුත් කර ඇත.
අද (16) මධ්යහන 12.00ට නිකුත් කළ මෙම නිවේදනය අද රාත්රී 11.00 දක්වා වලංගු වන බව එම දෙපාර්තමේන්තුව සඳහන් කරයි.
එම නිවේදනය අනුව බස්නාහිර පළාත, සබරගමුව පළාත, මධ්යම පළාත සහ ඌව පළාත තුළත්, ගාල්ල දිස්ත්රික්කය, මාතර දිස්ත්රික්කය සහ කුරුණෑගල දිස්ත්රික්කය ඇතුළු ප්රදේශ කිහිපයක සවස 1.00න් පසුව ගිගුරුම් සහිත වැසි සමඟ ප්රබල අකුණු ඇතිවීමේ ඉහළ හැකියාවක් පවතින බවයි.
මෙම ගිගුරුම් සහිත වැසි සමඟ තාවකාලිකව තද සුළං ද ඇති විය හැකි බව සඳහන් වන අතර, අකුණු මඟින් සිදුවන අනතුරු අවම කර ගැනීම සඳහා අවශ්ය ආරක්ෂිත පියවර ගන්නා ලෙසද ජනතාවගෙන් ඉල්ලා සිටී.
