බියගන්වා යටත් කරගැනීමට කිසිදු ඉඩක් නෑ- ජනපති ට්රම්ප්
April 18, 2026 08:45 pm
ඉරානය විසින් සිදුකරන බියගන්වා යටත් කරගැනීමේ (Blackmail) කිසිදු උත්සාහයකට තමා ඉඩ නොදෙන බව අමෙරිකානු ජනාධිපති ඩොනල්ඩ් ට්රම්ප් අවධාරණය කරයි.
ධවල මන්දිරයේ පැවති උත්සවයකදී අදහස් දක්වමින් ජනාධිපතිවරයා මේ බව පවසා ඇත.
මාධ්යවේදීන් නැගූ ප්රශ්නවලට පිළිතුරු දීමට පෙර ඉරානය පිළිබඳ කෙටි අදහස් දැක්වීමක් සිදුකළ ජනාධිපතිවරයා එහිදී ප්රධාන කරුණු කිහිපයක් සඳහන් කර තිබේ.
ඉරානය සමඟ මේ වන විට "ඉතා යහපත් මට්ටමේ සාකච්ඡා" සිදුවෙමින් පවතින බවද ඔහු එහිදී පැවසීය.
ඉරාන නායකයින් හෝමූස් සමුද්ර සන්ධිය වසා දැමීමට උත්සාහ කරන බවත්, නමුත් අමෙරිකාවට එරෙහිව එවැනි තර්ජන එල්ල කිරීමට ඉඩක් නොමැති බවත් ඔහු සඳහන් කර තිබේ.
