ගාල්ල මහ නගර සභා බල ප්රදේශයටත් හෙට පැය 14ක ජල කප්පාදුවක්
June 9, 2026 07:11 pm
ගාල්ල මහ නගර සභා බල ප්රදේශය සඳහා හෙට දිනයේදී පැය 14ක ජල කප්පාදුවක් සිදුවන බව ජාතික ජල සම්පාදන සහ ජලාපවහන මණ්ඩලය පවසයි.
නිවේදනයක් නිකුත් කරමින් එම මණ්ඩලය පැවසුවේ වක්වැල්ල ජල පවිත්රාගාරය ආශ්රිතව සිදුකෙරෙන අත්යවශ්ය නඩත්තු කටයුත්තක් හේතුවෙන් මෙම ජල කප්පාදුව සිදුවන බවය.
ඒ අනුව හෙට (10) වන දින උදෑසන 9.00 සිට රාත්රි 11.00 දක්වා පැය 14ක ජල කප්පාදුවක් එම මහ නගර සභා බලප්රදේශය වෙත සිදුවනු ඇති බවද ජාතික ජල සම්පාදන සහ ජලාපවහන මණ්ඩලය සඳහන් කළේය.
