හිටපු උත්තරීතර නායක අයතුල්ලා අලි කමේනිගේ අවසන් කටයුතු ජූලි 9 වනදාට
June 14, 2026 02:14 pm
ඝාතනයට ලක් වූ ඉරාන උත්තරීතර නායක අයතුල්ලා අලි කමේනිගේ අවසන් කටයුතු ජූලි 4 වෙනිදා ටෙහෙරාන් නුවරින් ආරම්භ වන බවත්, ඔහුගේ උපන්ගම මෙන්ම ඊසානදිග ශුද්ධ වූ නගරයක් ද වන මෂාද් හිදී ජූලි 9 වෙනිදා භූමදාන කටයුතු සිදු කිරීමට නියමිත බවත් එරට රාජ්ය මාධ්ය පවසා තිබේ.
පසුගිය පෙබරවාරි 28 වෙනිදා ඉරානයට එල්ල වූ ඊශ්රායල සහ අමෙරිකානු පළමු ගුවන් ප්රහාර මාලාවේදී 86 හැවිරිදි ඛමේනි ජීවිතක්ෂයට පත්විය.
ඔහු වසර 36ක කාලයක් තිස්සේ ඉරාන ඉස්ලාමීය ජනරජයේ නායකත්වය දැරීය.
රාජ්ය මාධ්ය වාර්තාවලට අනුව, අවසන් ගෞරව දැක්වීමේ විශේෂ ආගමික වතාවත් ජූලි 7 වෙනිදා ටෙහෙරාන් නුවරට දකුණින් පිහිටි ශුද්ධ වූ කොම් නගරයේදී ද පැවැත්වීමට කටයුතු සූදානම් කර ඇත.
යුද සමයේ සුවිශේෂී තීරණයක් ඉස්ලාමීය නීතියට අනුව මියගිය අයෙකුගේ දේහය හැකි ඉක්මනින්, එනම් වඩාත්ම සුදුසු පරිදි පැය 24ක් ඇතුළත භූමදාන කළ යුතු වුවද, යුදමය වාතාවරණයක් වැනි සුවිශේෂී අවස්ථාවලදී ඊට කල් දැමීම් සඳහා අවසර ලැබෙන බව සඳහන් වේ.
තම පාලන කාලය තුළ ඛමේනි විසින් ඉරානය ප්රබල අමෙරිකානු විරෝධී බලවේගයක් ලෙස ගොඩනැගූ අතර, ලෙබනනයේ හිස්බොල්ලා වැනි සන්නද්ධ කණ්ඩායම් හරහා මැදපෙරදිග පුරා තම මිලිටරි බලය ව්යාප්ත කිරීමට කටයුතු කළේය.
එසේම, දේශීයව මතු වූ විරෝධතාවලදී දැඩි මර්දනකාරී පිළිවෙතක් අනුගමනය කිරීමට ද ඔහු පියවර ගත්තේය.
ඔහුගේ සමස්ත පාලන කාලය පුරාම කමේනි අමෙරිකාව දැඩි විවේචකයෙකු ලෙස කටයුතු කළ අතර, ඉරානයේ න්යෂ්ටික වැඩසටහන පිළිබඳ ආරවුල විසඳීමට අනුගාමික අමෙරිකානු පරිපාලනයන් දැරූ උත්සාහයන් ද ව්යර්ථ විය.
නව උත්තරීතර නායකයා ලෙස මොජ්තබා කමේනි ඔහු ජීවිතක්ෂයට පත් වූ ගුවන් ප්රහාරයෙන් මධ්යම ටෙහෙරාන් නුවර පිහිටි ඔහුගේ ප්රධාන නිල නිවාස සංකීර්ණය සම්පූර්ණයෙන්ම විනාශ විය.
මෙම ප්රහාරයෙන් කමේනිගේ 56 හැවිරිදි පුත් මොජ්තබා කමේනි ගේ බිරිඳ ද ජීවිතක්ෂයට පත් වූ අතර, එහිදී තුවාල ලැබූ මොජ්තබා පසුව ඔහුගේ පියාගෙන් හිස් වූ ඉරානයේ නව උත්තරීතර නායක ධුරයට පත් විය.
