මත්ද්රව්ය භාවිත කර පොදු ප්රවාහනයේ යෙදෙන්නන් අල්ලන මෙහෙයුමේදී හෙළි වූ දේ
June 23, 2026 09:45 pm
පොදු ප්රවාහනයේ යෙදෙන රියදුරු හා කොන්දොස්තරවරුන් සඳහා අහඹු ජංගම මත්ද්රව්ය පරීක්ෂාවක් අද (23) නාවින්න බස් නැවතුමේදී සිදුකර තිබේ.
ප්රවාහන, මහාමාර්ග සහ නාගරික සංවර්ධන අමාත්යාංශයේ මෙහෙයවීමෙන් ක්රියාත්මක කර ඇති පොදු ප්රවාහන සේවාව ආරක්ෂිත හා කාර්යක්ෂම කිරීමේ ජාතික වැඩසටහන යටතේ මෙය ක්රියාවට නැංවිණි.
ජාතික ප්රවාහන වෛද්ය ආයතනයේදී සංවිධානයෙන් පැවැති මෙම ජංගම පරීක්ෂාවට ලංකා ගමනාගමන මණ්ඩලයේ සහ බස්නාහිර පළාත් මාර්ගස්ථ මගී ප්රවාහන අධිකාරියේ බස්රථවල සේවාවේ යෙදෙන රියදුරු, කොන්දොස්තරවරුන්ගේ මුත්රා සාම්පල් ලබා ගනිමින් පරීක්ෂණයට ලක් කෙරෙිණි.
උදෑසන 9ට ආරම්භ කර දහවල් 12 වන විට රියදුරු සහ කොන්දොස්තරවරුන් 200 දෙනෙකුගේ මුත්රා සාම්පල මෙහිදී පරීක්ෂාවට ලක් කර ඇති අතර ඉන් 13 දෙනෙකු මත්ද්රව්ය භාවිත කර ඇති බවද මෙහිදී හෙළිවිය.
අමාත්යාංශය පැවසුවේ 2026 ජනවාරි සිට ජූනි 12 දක්වා කාලය තුළ රියදුරු, කොන්දොස්තරවරුන් 4,322කු ජංගම පරීක්ෂාවට ලක් කර ඇති අතර එහිදී 226 දෙනෙකු අයිස්, හෙරොයින්, ගංජා යන මත්ද්රව්යවලින් එක්වර්ගයක් හෝ කිහිපයක් භාවිත කර ඇතැයි අනාවරණය වී ඇති බවය.
