20-20 ලෝක ශූර ඉන්දියාවට ඉන්දීය රුපියල් කෝටි 131ක් 

මෙවර 20-20 ලෝක කුසලාන ක්‍රිකට් තරගාවලියේ ශූරතාව දිනූ ඉන්දීය ක්‍රිකට් කණ්ඩායමට ඉන්දීය රුපියල් කෝටි 131ක මුදල් ත්‍යාගයක් පිරිනැමීමට ඉන්දීය ක්‍රිකට් පාලක මණ්ඩලය තීරණය කර තිබේ.

එහි වටිනාකම ශ්‍රී ලංකා මුදලින් රුපියල් කෝටි 445කට අධිකයි.

මෙවර පන්දුවාර 20-20 ලෝක කුසලාන ක්‍රිකට් තරගාවලියේ අවසන් මහා තරගයේදී නවසීලන්තය පරාජය කරමින් ශූරතාව දිනා ගැනීමට සූර්යකුමාර් යාදව් ප්‍රමුඛ ඉන්දීය කණ්ඩායම සමත්විය.

ඉන්දියාව දිනූ 3 වැනි 20-20 ලෝක කුසලානය මෙය වන අතර 20-20 ලෝක කුසලාන 3ක් දිනූ එකම කණ්ඩායම බවටද ඔවුන් ඉතිහාසගත වුණි.

මෙවර 20-20 ලෝක ශූරයින් වූ ඉන්දීය කණ්ඩායමට ඉන්දීය රුපියල් කෝටි 131ක මුදල් ත්‍යාගයක් පිරිනැමීමට ඉන්දීය ක්‍රිකට් පාලක මණ්ඩලය තීරණය කර තිබේ.

එහි වටිනාකම ශ්‍රී ලංකා මුදලින් රුපියල් කෝටි 445කට අධිකය.

මෙවර 20-20 ලෝක ශූරතාව දිනූ කණ්ඩායමට ඉන්දීය රුපියල් කෝටි 27කට අධික මුදලක් ප්‍රදානය කෙරුණු අතර ඉන්දීය ක්‍රිකට් පාලක මණ්ඩලය විසින් ඉන්දීය රුපියල් කෝටි 131කට අධික විශාල මුදල් ත්‍යාගයක් පිරිනැමීම කැපී පෙනුනි.

මේ අතර ඉන්දීය වේග පන්දු යවන ක්‍රීඩක ආර්ෂ්දීප් සිං ට 20-20 ලෝක කුසලාන තරගාවලියේ ඉකුත්දා පැවති අවසන් මහා තරගයේ තරග ගාස්තුවෙන් සියයට 15 ක දඩයක් ICC ය විසින් නියම කර තිබේ.

ඒ විස්සයි විස්ස ලෝක කුසලාන අවසන් මහා තරඟය අතරතුර, විනය විරෝධී ක්‍රියාවක නියැලෙමින් ICC චර්යා ධර්ම පද්ධතියේ 1 වන මට්ටමේ වරදක් සිදු කිරීම හේතුවෙන්ය.

නවසීලන්තය සමග පැවති අවසන් මහා තරගයේදී නවසීලන්ත ඉනිමේ 11 වැනි පන්දුවාරයේදී ඩැරල් මිචෙල් පන්දුවට පහරදෙමින් සිටියදී පන්දුව ඔහු දෙසට වැරෙන් දමා ගැසීමේ විනය විරෝධී ක්‍රියාවේ නියැලීම නිසා ඔහුට මෙලෙස දඩ නියම කර තිබේ.

එමෙන්ම ආර්ෂ්දීප් සිං හට දඬුවම් ලකුණක් පැනවීමට ICC ය කටයුතු කළේය.